Lipa City Officials, Nag Benchmark Visit sa tangub City

Mainitong gia biabi ni Vice Mayor Tito B. Decina uban ang mga opisyales sa Syudad sa Tangub ang grupo ni Lipa City Mayor Eric B. Africa, ug iyang mga konsehales sa gipahigayong benchmarking visit sa Asenso Global Gardens, Brgy. Hoyohoy, kaniadtong Miyerkules, Marso 20, 2024. Gihisgutan ni Mayor Africa nga dugay na siya nakadungog sa Misamis Occidental tungod sa iyang Konsehal nga si Jennifer Spye T. Toledo na gikan sa Oroquieta City. Apan mao kini ang unang higayon nga nakaanhi sila diri sa probinsya. Gidayeg usab niya ang pagkamaabi abihon ni Governor Henry S. Oaminal nga iya sab nakauban sa partidong Nationalista, uban ni Oroquieta City Mayor Lemuel “Lem” Meyrick M. Acosta. Naimbitahan siya sa duha ka opisyales nga mubisita diri sa probinsya, maong wala niya gisayang ang higayon sa pagbisita dire. Dungag pa sa Mayor gusto niya mulaag ug balik diri kauban ang iyang pamilya. Naenganyo siya sa pagpromote sa LGU sa mga tourist spots dinhi sa probinsiya. Gidayeg niya ang mga Misamisnon tungod sa ilang lideres nga kahibalo maningkamot alang sa kalambuan sa mga siyudad ug munisipalidad niining probinsya. Matod pa sa Mayor nga dapat maagni ang mga turista gikan sa kauluhan ug malipayon niyang gipadayag ang iyang mga nakitang kalambuan diri sa probinsya. Samtang atol usab sa maong pagbisita, nagpasudayag ug talento sina Konsehal Michael Gerard “Mikee” T. Morada ug Konsehal Venice D. Manalo nga mao’y nagpabibo ug nagpahugyaw sa mga mitambong didto. Nagpasalamat si Konsehal Morada sa local na kagamhanan hanan sa pag welcome sa ilaha ug naghinaot siya na iyang maimbita ug madala diri sa probinsya ang iyang asawa na si Catherine “Alex” Gonzaga – Morada aron mapakita kung unsa kanindot diri sa Misamis Occidental.