Bag-ong Building sa City Engineer's Office ug City Health Office, Gi inagurahan

---

           Marso 6, 2023 - Gipahigayon ang inagurasyon sa bag-ong gitukod nga building sa City Engineer’s Office (CEO) nga nahimutang sa Barangay Maloro, Tangub City. Gisugdan ang programa sa usa ka pag-ampo nga gipangulohan ni Engr. Jay T. Trompeta.

        Opisyal nga gi welcome ni Engr. Celso P. Collantes, ang OIC Head sa City Engineer’s Office ang mga bisita sa maong okasyon. Naghatag usab ug hamubo nga mensahe si Mayor Ben Canama alang sa tanang mga empleyado ug lumilihok sa CEO. Atol sa inagurasyon, nagpaabot ug dakong pasalamat si Engr. Teresa Z. Manlangit sa kagamhanan sa dakbayan sa suporta nga gihatag niini.

          Saysay niya, dako gayud ang papel sa local government unit sa Tangub sa pag hatag sa mga panginahanglanon aron ma establisar ang maong pasilidad. Human sa seremonya, ang mga bisita misuroy sulod sa bag-ong building. Sa samang adlaw, gipahigayon usab ang inagurasyon sa bag-ong gitukod nga building sa City Health Office (CHO). Dako ang pasalamat sa mga health workers tungod kini nahimong posible pinaagi sa hiniusang paningkamot sa mga opisyal sa syudad nga gipangulohan ni Mayor Ben Canama.